योगी आणि अयोध्येतील राम मंदिराला बॉम्बने उडवून देण्याची धमकी : हे दोन आतंकवादी अटक
लखनऊ : उत्तर प्रदेश स्पेशल टास्क फोर्सने (STF) बुधवारी मुख्यमंत्री योगी आदित्यनाथ आणि अयोध्येतील राम मंदिराला बॉम्बस्फोटाने उडवून देण्याची धमकी दिल्याप्रकरणी दोघांना अटक केली.
एसटीएफचेअतिरिक्त पोलीस महासंचालक (एडीजी) अमिताभ यश आणि देवेंद्र तिवारी या व्यक्तींनाही बॉम्बच्या धमक्या पाठवण्यात आल्या होत्या.
अटक करण्यात आलेले आरोपी ताहर सिंग आणि ओम प्रकाश मिश्रा हे मूळचे गोंडा येथील आहेत.
या दोघांनी ‘@iDevendraOffice’ हँडल वापरून नोव्हेंबरमध्ये ‘X’ वर एका पोस्टमध्ये आदित्यनाथ, STF प्रमुख अमिताभ यश आणि अयोध्येच्या राम मंदिराला बॉम्बने उडवून देण्याची धमकी दिली होती.
धमकीच्या पोस्ट पाठवण्यासाठी ‘alamansarikhan608@gmail.com’ आणि ‘zubairkhanisi199@gmail.com’ या ईमेल आयडीचा वापर केल्याचे तपासात सुरुवातीला उघड झाले.
तांत्रिक विश्लेषणामुळे गुन्हेगारांची ओळख पटली आणि त्यांना अटक करण्यात आली, ज्यांनी धमकीचे ईमेल आयडी तयार करण्यासाठी आणि ईमेल पाठवण्यासाठी Vivo T-2 मोबाईल फोन आणि Samsung Galaxy A-3 चा वापर केला होता. याशिवाय, ज्या ठिकाणी ईमेल पाठवण्यात आले होते त्या ठिकाणचे वाय-फाय राऊटर आणि सीसीटीव्ही कॅमेऱ्यांचे डीव्हीआर (डिजिटल व्हिडिओ रेकॉर्डर) देखील जप्त करण्यात आले आहेत.
पोलिसांनी दिलेल्या माहितीनुसार, हे ईमेल कथितपणे झुबेर खान नावाच्या एका व्यक्तीने केले होते, ज्याने पाकिस्तानची गुप्तचर संस्था ISI चा अधिकारी असल्याचा दावा केला होता.
एसटीएफचे पोलिस उपअधीक्षक प्रमेश कुमार शुक्ला यांच्या देखरेखीखाली शोध मोहीम सुरू करण्यात आली.
ते म्हणाले की, चौकशीदरम्यान अटक करण्यात आलेल्या आरोपींनी सांगितले की ते भारतीय किसान मंच आणि भारतीय गौ सेवा परिषद या नावाने स्वयंसेवी संस्था चालवणारे देवेंद्र तिवारी यांच्या सूचनेनुसार काम करत होते.
सोशल मीडिया हाताळण्यासाठी जबाबदार असलेला ताहर सिंग आणि वैयक्तिक सचिव म्हणून काम करत असलेला आणि ऑप्टोमेट्रीमध्ये डिप्लोमा करत असलेला ओम प्रकाश मिश्रा हे तिवारीच्या इंडियन इन्स्टिट्यूट ऑफ पॅरामेडिकल सायन्सेसम कॉलेजमध्ये कार्यरत होते.
तिवारीने कथितरित्या त्यांना बनावट ईमेल आयडी तयार करण्यास आणि धमकीचे संदेश पाठविण्याची सूचना केली, जी नंतर मीडियाचे लक्ष वेधण्यासाठी आणि राजकीय फायदा मिळवण्यासाठी त्याच्या X खात्याद्वारे प्रसिद्ध करण्यात आले, असे पोलिसांनी सांगितले.
ई-मेल पाठवल्यानंतर तिवारीच्या आदेशानुसार वापरलेले मोबाईल फोन नष्ट केले. आणि हे कृत्य करीत असताना तिवारीच्या कॉलेज चे कार्यालयातील वाय-फाय इंटरनेट वापरण्यात आल्याची कबुली आरोपींनी दिली.
