मुंबई: कुर्ला येथे भीषण बेस्ट बस अपघात, 6 मृत्यू, 43 जखमी
मुंबईतील कुर्ला पश्चिम येथील एस.जी. बर्वे रोडवर सोमवारी रात्री 9.30 वाजता भीषण बेस्ट बस अपघात झाला. या अपघातात 6 जणांचा मृत्यू झाला असून 43 जण जखमी झाले आहेत. बेस्टच्या 332 क्रमांकाच्या बसने 10 रिक्षा, 10 मोटरसायकल आणि 10 पादचाऱ्यांना चिरडलं.
अपघाताचे स्वरूप पाहून प्रत्यक्षदर्शींना हा एखादा दहशतवादी हल्ला असल्याची शंका वाटली. बस चालक संजय मोरे याला पोलिसांनी अटक केली असून त्याने ब्रेक फेल झाल्याचा दावा केला आहे.
प्रत्यक्षदर्शी कपिल सिंह यांनी सांगितलं की, “बसने रस्त्यावरून जणू धडकत जात जीवितहानी केली. जमावाने चालकाला पकडून चोप दिला.”
बसने अनेक वाहनांना धडक दिल्यानंतर आंबेडकर कॉलनीच्या प्रवेशद्वाराजवळ थांबण्याआधी प्रचंड हानी केली. जखमींना भाभा रुग्णालयात दाखल करण्यात आलं आहे.
अपघाताचे नेमके कारण जाणून घेण्यासाठी तांत्रिक तपासणी सुरू आहे. तांत्रिक बिघाड, ब्रेक फेल होणं किंवा बेदरकारपणे वाहन चालवणं यावर तज्ज्ञांनी सध्या लक्ष केंद्रीत केले आहे.
मुख्यमंत्री देवेंद्र फडणवीस यांनी मृतांच्या कुटुंबीयांना 5 लाख रुपयांची मदत जाहीर केली असून जखमींना सर्वतोपरी वैद्यकीय मदत दिली जाईल, असे आश्वासन दिले आहे.
