महिला डॉक्टर आत्महत्येप्रकरणी युवक काँग्रेसकडून निषेध आंदोलन

छत्रपती संभाजीनगर, दि. २७ ऑक्टोबर – फलटण (जि. सातारा) येथील महिला डॉक्टर संपदा मुंडे यांनी पोलिस आणि राजकीय दबावामुळे आत्महत्या केल्याच्या दुःखद घटनेच्या निषेधार्थ महाराष्ट्र प्रदेश युवक काँग्रेसतर्फे रोशन गेट परिसरात कँडल लावून श्रद्धांजली अर्पण करण्यात आली.

       या कार्यक्रमाचे नेतृत्व महाराष्ट्र प्रदेश युवक काँग्रेसचे प्रदेश सचिव इंजिनियर मोहसीन खान यांनी केले. या वेळी उपस्थित सर्व कार्यकर्त्यांनी दोन मिनिटे मौन पाळून डॉक्टर मुंडे यांना श्रद्धांजली वाहिली.

       इंजिनियर मोहसीन खान यांनी या प्रसंगी बोलताना सांगितले की, “डॉक्टर संपदा मुंडे यांच्या मृत्यूमागील आरोपींवर फास्टट्रॅक कोर्टात खटला चालवावा आणि या प्रकरणाची सखोल चौकशी करण्यासाठी उच्चस्तरीय एसआयटी (Special Investigation Team) नेमावी,” अशी मागणी करण्यात आली.

        युवक काँग्रेस कार्यकर्त्यांनी डॉक्टर मुंडे यांना न्याय मिळावा यासाठी तीव्र रोष व्यक्त केला. त्यांच्या म्हणण्यानुसार, या प्रकरणात काही पोलिस अधिकारी आणि राजकीय वरदहस्त असलेले लोक सामील असू शकतात, म्हणूनच निष्पक्ष चौकशी आवश्यक आहे.

         या श्रद्धांजली कार्यक्रमाला पैठणचे माजी आमदार संजय वाकचौरे, महाराष्ट्र प्रदेश अल्पसंख्यांक कमिटीचे उपाध्यक्ष इब्राहिम पठाण, महाराष्ट्र प्रदेश काँग्रेस कमिटीचे सरचिटणीस आणि माजी शहर जिल्हाध्यक्ष अ‍ॅड. सय्यद अक्रम, डॉ. सरताज पठाण, ज्येष्ठ काँग्रेस नेते नवीद शेख (दादा), प्रदेश सचिव इंजिनियर इफ्तेखार, युवक काँग्रेस प्रदेश सचिव इरफान इब्राहिम पठाण, माजी एनएसयूआय अध्यक्ष इम्रान पठाण, राजीव गांधी पंचायत राज शहराध्यक्ष इमरान शेख, आरोग्य सेलचे अध्यक्ष रईस शेख, सलमान खान, मयूर गायकवाड, जाकीर शेख, जे.के., जावेद पठाण, अमीन पठाण आदी पदाधिकारी व कार्यकर्ते मोठ्या संख्येने उपस्थित होते.